نكت المبوقين

النعمة
هادا واهد مبوق كان غادي ف الطريق وبدات الشتا تصب، وهو يبدا ينقز
سولوه: مالك كتنقز؟
قال ليهم ما بغيتش نعفط على النعمة

لقيتي راسك ميت
وحد المبوق سول صاحبو: أشنو غادير دير إيلا فقتي ولقيتي راسك ميت؟
قال ليه صاحبو المبوق: نااااااري أصاحبي، راني نتسطى

بشحال القرد؟
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية

الزواج المبكر
هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟

سولوا نتوما
هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوا نتوما؟

شاعلين الضو
هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

ياك ما مات
واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه

بصاح أولا كتفلا
واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات

يالله جيت
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

فين كنتي؟
واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي!
هو يسد عليه الباب وبات ف الزنقة

ماتش مباشر
هادا واحد مبوق جالس ف القهوة مع الدراري كيتفرجوا ف ماتش مباشر
الناس داخلين مع الماتش غوتو: دابا يتماركا البيت اللول، وفعلا تماركا
شوية ناضو تاني: دابا يتماركا البيت التاني، وشوية تماركا البيت
خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم

ربعة د الشجرات
واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة

ما كنتش فيه
واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

ما تسوقش بالزربة
هادو تلاتة مبوقين ركبوا طاكسي. مول الطاكسي عاق بيهم واش ما حاضرينش، ناض شعل الموطور و طفاه و قال ليهم صافي وصلنا.
اللول عطاه الفلوس
التاني قال له شكرا
التالت نزل من الطاكسي و دار لعند مول الطاكسي و سرفقه. مول الطاكسي يسحاب ليه واش السيد عاق بالقالب دياله، ساعة هو يقول ليه: المرة الجاية ما تسوقش بالزربة بزاف

فنان تشكيلي
هادا واحد مبوق قال لصاحبه: حلمت بينا البارح واش أنا وياك فنانين
نتا فنان تشكيلي... و أنا فنان نشكيلك

الوالد مات شوية
واحد مبوق كيبكي ف السبيطار. سولوه ماله. قال ليهم: لا والو، غير الوالد مات شوية

مش أولا مشة
هادو جوج مبوقين مخاطرين على مش... واش نيت مش أولا مشة
داز واحد مبوق كتر منهم و هوما يسولوه. قال ليهم: ساهلة! نضربو بحجرة. إيلا هرب هي مش، و إيلا هربات هي مشة

مبوقين كافرين
هادا واحد مبوق قال: بسم الله
ناض خوه قال ليه: أهيا! راه حنا كفار، واش نسيتي
قال لي لاخور: أستغفر الله

حتال غدا و نكملوا
هادا واحد مبوق كيجريو عليه البوليس و كيهرب ليهم ف الدروبة ما قدروش يشدوه. واحد شوية شافوه راجع عندهم قال ليهم: الدراري، عييت اليوم. حتال غدا و نكملوا

المبوقين و المراية
هادو جوج مبوقين جالسين قدام المراية، و هي يقول واحد فيهم لصاحبه: شوف هادوك الجوج اللي جالسين قدامنا ناض صاحبه و قال ليه: بلاتي نشوف أش كيديرو
و هو يقول ليه لاخور: غير جلس. ها واحد فيهم جاي عندنا

لنملة فوق الجبل
هادو جوج مبوقين. ناض واحد سول صاحبه: شفتي هاديك النملة اللي كاينة فوق الجبل؟
جاوبه: إينا وحدة فيهم؟ اللي سادة عينيها أولا اللي حاللهوم؟

عين أولا غين
هادا واحد مبوق كيشوف ف صاحبو اللي عندو خالة فوق عينيه, و هي يقول ليه: أربي قول ليا واش هاديك عين عندك أولا غين ؟

اللغز ديال واحد مبوق
هادا اللغز ديال واحد مبوق: إيلا كانت الطوموبيل كتمشي ب ستين كيلومتر ف الساعة ، شحال من حمامة طايرة ف السما إيلا كانت بيبسي ب عشرة د الدراهم؟

مول الطاكسي مبوق
هادا واحد مول الطاكسي مبوق مزيان غادي ف المدينة و هي تشير عليه واحد المرا. وقف و طل عليها من الشرجم و قال ليها: فين غادية أ لالة؟
قالت ليه: السوق أ سيدي
هو يقول ليها: يالله سيري و متعطليش

المبوق و الخفاش
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية

الكتبة ف الحيط
هادا واحد مبوق قال لصاحبو: واش باينة ليك هاديك الكتبة اللي كاينة ف الحيط
قال ليه صاحبو مبوق كتر منه: الكتبة بانت ليا، إما الحيط ما شفتوش